MNF party pawhin Lammual playground LSC hmun li a thendarh chu MNF sorkar tih niawmin party worker thenkhatin Major Babie Lalduhsangi interview-a  a sawi la chhawngin MNF party an dem nasa hle tiin, sawifiah turin Major Babie Lalduhsangi leh Mizoram sorkar vawiin khan an phut a. Zoram mipui mit hmuha dawt thu hmanga MNF sorkar liamta hmingchhe taka chhuah a ni hi pawi an tih thu an tarlang. Land, Revenue & Settlement department Under Secretary leh SPIO ni bawk chuan Frankie MS Dawngliana zawhna chhangin a rawn sawi fiah ta a ni.

Revenue department chuan, "Play ground/ Lammual area chhungah ram pek information dang pek tur a awmlo" a ti bawk.

Vawiin khan Revenue Minister hlui Lalruatkima chuan MNF sorkar laiin mimal hnenah AR ram  pakhat mah pek a nihloh thu chanchinbu mite hmaah a tarlang a. AR ram chhuahsan tur chungchangah nasa taka hmalatu MNF party ni lo party dang an awm loh thu a lo tarlang tawh a nih kha.